Բոլորին ցանկանում եմ լավ տրամադրություն. վարչապետը՝ ենթականերին

Այսօր կայացավ ԱԺ ընտրություններից հետո առաջին կառավարության նիստը, որը հագեցած էր թե' հանձնարարականներով, թե' կարևոր խնդիրների լուծման օրակարգով: Վարչապետը հայտարարեց, որ այսուհետ աշխատելու են արտակարգ ռեժիմով, և որ աշխատանքները կրկնակի ծանրաբեռնված են լինելու:

Օրակարգային հարցերի զեկույցից հետո, մինչ օրակարգային գաղտնի հարցերի քննարկմանն անցնելը, վարչապետ Կարեն Կարապետյանը որոշեց ստուգել ենթակաների տրամադրությոնը: Դիմելով ՊԵԿ նախագահ Վարդան Հարությունյանին` վարչապետը հարցրեց. «Պարո'ն Հարությունյան, ինչպիսի՞ն է Ձեր տրամադրությունը` նոր պլանների պարագայում»: «Շատ լավ»,- արձագանքեց Հարությունյանը: «էդ շատ լավ ա, բոլորին ցանկանում եմ լավ տրամադրություն էս արտակարգ ռեժիմով աշխատելու իրավիճակներում»,- արձագանքեց վարչապետը: