«Էրդողանին քննադատող ոչ մեկն անվտանգ չէ». Թուրքիայում օտարերկրացի լրագրողները մտահոգ են

Թուրքիայում արտասահմանյան մամուլի ներկայացուցիչները մտահոգ են: Նրանց համոզմամբ՝ հուլիսի 15-ի ռազմական հեղաշրջման փորձից հետո երկրում աշխատանքային պայմաններն օրեցօր վատանում են:

Ըստ Demokrathaber-ի՝ օտարերկրացի լրագրողների խոսքով՝ Թուրքիայում գերմանական Die Welt-ի թղթակից Դենիզ Յուջելի ձերբակալության նպատակը արտասահմանյան մամուլին լռեցնելն է:

Իտալացի լրագրող Թեթթան հայտնել է, որ լրագրողների ամենակարևոր դերը իշխանության մաս կազմող անձանց քննադատելն է, սակայն Թուրքիայի ղեկավարության մեծ մասն իրենց դեմ նյութերին պատասխանելու փոխարեն փորձում են լռեցնել մամուլին և սահմանափակել համացանցի հասանելիությունը:

Լրագրողների խոսքով՝ հեղաշրջման փորձից մինչ օրս Թուրքիայում 147 լրագրող է ձերբակալվել: Օտարերկրացի թղթակիցները համոզված են, որ Թուրքիայի իշխանություններին և գլխավորապես Էրդողանին քննադատող ոչ մի լրագրող անվտանգ չէ:

Լրագրողները գիտակցում են նաև, որ Թուրքիայում հատկապես վերջին շրջանում ավելի է դժվարացել խոսել, քննարկել կամ լուծումներ առաջարկել քրդական հարցի վերաբերյալ:

«Ես, օրինակ, հրաժարվում եմ իմ Twitter-յան գրառումներից հետո թողներ Էրդողանի վերաբերյալ հեշթեգեր»,- նշել է օտարերկրացի լրագրողներից մեկը: