Ինչո՞ւ է Մերկելը Թուրքիայում հանդիպել քրդամետ կուսակցության ներկայացուցիչների հետ. պարզաբանում են ԶԼՄ-ները

Երեկ Գերմանիայի կանցլեր Անգելա Մերկելը Թուրքիայում հանդիպում էր ունեցել Կարո Փայլանի անդամակցած` քրդամետ Ժողովուրդների դեմոկրատական կուսակցության ներկայացուցիչների հետ:

Ըստ Demokrathaber-ի՝ Մերկելը պահանջել էր երեք ամիս առաջ Թուրքիայի իշխանությունների կողմից ապօրինաբար ձերբակալված և ընդամենը երեք օր առաջ ազատ արձակված պագամավոր Իդրիս Բալուքենի ներկայությունը: Բալուքենը երեկ ժամանել էր Անկարա և մասնակցել հանդիպմանը, թեև նա սովորաբար չի մասնակցում կուսակցության պաշտոնական հանդիպումներին:  

Թուրքական ԶԼՄ-ները Մերկելի պահանջը կապել են այն բանի հետ, որ նա ցանկացել է մանրամասն տեղեկությունների ստանալ այդ կուսակցության համանախագահների ձերբակալության, ինչպես նաև բանտերում տիրող մթնոլորտի մասին:

ԶԼՄ-ների տեղեկացմամբ՝ Բալուքենը հանդիպման ընթացքում այդ խնդիրների մասին զեկուցել է Մերկելին, ինչպես նաև անդրադարձել ձերբակալության ընթացքում մի շարք անախորժությունների: