Դեմիրթաշին և ԺԴԿ պատգամավորներին գաղտնալսել են

Թուրքիայում նախորդ տարվա նոյեմբերի 4-ին ձերբակալված քրդամետ Ժողովուրդների դեմոկրատական կուսակցության համանախագահ Սելահաթթին Դեմիրթաշի և մի քանի պատգամավորների մասին մեղադրական եզրակացություն է կազմվել:

Ըստ Demokrathaber-ի՝ հայտնի է դարձել, որ կալանքի տակ գտնվող Դեմիրթաշը և մի շարք պատգամավորներ մինչ ձերբակալությունը ոստիկանության կողմից գաղտնալսվել են:

Հիշեցնենք, որ ԺԴԿ համանախագահներն ու մի շարք պատգամավորներ ձերբակալվել էին Թուրքիայում ահաբեկչական համարվող Քուրդիստանի բանվորական կուսակցության զինյալներին աջակցելու, նրանց քարոզչությունն իրականացնելու մեղադրանքով: Այդ մասին ապացուցող փաստաթղթեր չեն հրապարակվել, և չնայած նրանց ապօրինի ձերբակալության վերաբերյալ բարձրացած մեծ աղմուկին՝ Թուրքիայի իշխանությունները շարունակում են նրանց պահել կալանքի տակ: