Հերթական ծեծկռտուքը՝ Թուրքիայի մեջլիսում. պատգամավորները կոտրել են մեջլիսի ամբիոնը

Թուրքիայի խորհրդարանում սահմանադրական փափոխությունների վերաբերյալ նախագածի կետերի քվեարկության ժամանակ ծեծկռտուք է տեղի ունեցել իշխող «Արդարություն եւ զարգացում» և ընդդիմադիր Ժողովրդա-հանրապետական կուսակցությունների պատգամավորների միջև:

Ըստ Demokrathaber-ի՝ կետերի քվեարկության ժամանակ ընդդիմադիր պատգամավորները սկսել են հեռախոսով նկարահանել քվեարկությունը, ինչը հարուցել է իշխող կուսակցության պատգամավորների զայրույթը։ Վեճը կարճ ժամանակում վերածվել է ծեծկռտուքի։ Արդյունքում` կոտրվել է մեջլիսի ամբիոնը: Ծեծկռտուքի հետևանքով եղել են տուժողներ:

Նշենք նաև, որ քվեարկությանը չի մասնակցել նաև քրդամետ Ժողովուրդների դեմոկրատական կուսակցությունը: ԺԴԿ խոսնակ Այհան Բիլգենը հայտարարել էր, որ խորհրդարանական քվեարկությանն իրենց խմբակցությունը չի մասնակցի՝ կուսակցության երկու համանախագահների ու 8 պատգամավորների  կալանավորման պատճառով: