Ողբերգական դեպք` Սպիտակում. տանը հայտնաբերել են մոր և երկու երեխաների դիերը

Այսօր ողբերգական դեպք է տեղի ունեցել Լոռու մարզում: Սպիտակ քաղաքի բնակարաններից մեկում մահացած են հայտնաբերել կնոջ և նրա երկու երեխաներին: Yerkir.am-ին ՀՀ քննչական կոմիտեից հայտնեցին, որ ինքնասպանության ահազանգով դեպքի վայր մեկնած օպերատիվ խումբը բնակելի շենքի շքամուտքում կախված է հայտնաբերել 1971-ին ծնված կնոջ, իսկ բնակարանում եղել են  5 և 7 տարեկան երեխաների դիերը:

Մեր տեղեկություններով` ինքնասպան եղած կինը Մարինե Հովհաննիսյանն  է, իսկ երեխաներն աղջիկներ են՝ Մանե և Ցողիկ անուններով:

 Դեպքի վայր է մեկնել քննչական խումբը` Լոռու մարզի քննչական վարչության պետ Թաթուլ Շուշանյանի գլխավորությամբ: Ձեռնարկվում են անհրաժեշտ միջոցառումներ կատարվածը բացահայտելու ուղղությամբ: