Ջավախքում հայ ընտանիք է սպանվել. 37-ամյա մոր ու երեք երեխայի դիերը գտել են պատահաբար

Ախալքալաքի շրջանի Վաչիանի գյուղում հայտնաբերվել են 37-ամյա կնոջ ու նրա երեք անչափահաս երեխաների դիերը. հայտնում է Грузиа Онлайн-ը:  Ըստ աղբյուրի՝ երեխաները 5, 16 և 18 տարեկան են: Ընտանիքի հայրը արտագնա աշխատանքի է մեկնել Ռուսաստան: Կատարվածի պատճառներն անհայտ են, դիակները ենթարկվում են փորձաքննության: 

Ըստ «Հետք»-ի՝ սպանվածը Օֆելյա Քաչոտյանն է: Նախնական տեղեկությունների համաձայն՝ դեպքը տեղի է ունեցել 2 օր առաջ, իսկ հարևանները դիակները գտել են երեկ` պատահաբար: Ենթադրվում է՝ մորը և ավագ դստերը սպանել են բութ գործիքի հարվածով, իսկ 5-ամյա տղան խեղդամահ է արվել:

Ներքին գործերի նախարարությունը դեպքի վերաբերյալ որևէ մեկնաբանություն չի տվել: