Մենք թիմային աշխատող ենք և թիմով էլ կմիանանք ՀՀԿ-ին. նախարար

Այսօր` կառավարության նիստից հետո, տրանսպորտի, կապի և ՏՏ նախարար Վահան Մարտիրոսյանը, պատասխանելով լրագրողների հարցին, թե պատրաստվո՞ւմ է հետևել վարչապետի օրինակին և դառնալ ՀՀԿ-ական, պատասխանեց, որ, այո, պատրաստվում է անդամակցել ՀՀԿ-ին: Նա նշեց, որ իրեն ոչ ոք չի պարտադրել, արդեն ներկայացրել է դիմումը:

«Մենք թիմային աշխատող ենք և թիմով էլ կմիանանք ՀՀԿ-ին»,- ասաց նախարարը:

Նրա խոսքով` անդամակցելու է ՀՀԿ-ին, որովհետև այն ցանկանում է նպաստել երկրի բարգավաճմանը, անվտանգությանը:

Նախարարը չհամաձայնեց լրագրողներից մեկի այն դիտարկմանը, որ ՀՀԿ-ն վարկաբեկված կուսակցություն է, որովհետև եթե այդպես լիներ, ժողովուրդն անընդմեջ չէր ընտրի ՀՀԿ-ին: