Թուրքիայում կին ոստիկաններին կթույլատրվի հիջաբ կրել

Օգոստոսի 27-ից Թուրքիայի ոստիկանությունում ծառայող կանայք  կարող են ոստիկանական գլխարկների տակ հիջաբ կրել: Հիմնական պայմանը` որ հիջաբի գույնը համապատասխանի ծառայողական համազգեստի գույնին, արգելվում են զարդերն ու զարդանախշերը, տեղեկացնում է BBC-ն:

Թուրքական ԶԼՄ-ներն  այս նոր կանոնը համարում են հանրության մեջ ժողովրդավարության ընդլայնմանն ուղղված քայլ:

Մինչդեռ նախագահ Էրդողանի ընդդիմախոսները նրան մեղադրում են  երկրի աշխարհիկ կարգերի սասանման մեջ:

Հիշեցնենք, որ հենց Էրդողանի նախաձեռնությամբ 2013 թվականից  մահմեդական գլխաշորերը թույլատրեցին կրել նաեւ պետական ծառայող կանանց:

Իշխանություններն իրենց այս որոշումն արդարացնելիս հղում են անում միջազգային փորձին:

Մասնավորապես, անցած շաբաթվանից Շոտլանդիայում նույնպես կին ոստիկաններին թույլատրեցին գլխաշորեր կրել:

Կանադայի թագավորական հեծյալների ոստկանությունը նույնպես  վերջերս իր ծառայակից կանանց թույլատրեց կրել մահմեդական գլխաշորեր: