Ստամբուլի Բալըքլը հայկական գերեզմանատանը խաչքար է տեղադրվել

Ստամբուլի Բալըքլը գերեզմանատանը Հայաստանից տարված խաչքար է տեղադրվել. տեղեկացնում է Ermenihaber-ը:

Ըստ Թուրքիայում հրատարակվող հայկական «Ակօս» թերթի` չափերով բավական պատկառելի խաչքարի օծումը տեղի է ունեցել օրեր առաջ Պոլսի հայոց պատրիարքարանի հոգևորականների անցկացրած ծիսակարգով: Արարողությունը գլխավորել է պատրիարքի ընդհանուր փոխանորդ Արամ արքեպիսկոպոս Աթեշյանը:

Նշվում է, որ խաչքարը պատրաստվել և Թուրքիա է տեղափոխվել Ստամբուլի Սամթիա թաղամասի Սուրբ Գևորգ հայկական եկեղեցու կառավարման խորհրդի անդամներ Արիս Դեմիրի և Սևան Դուրմազի մեկենասությամբ:

Խաչքարի մոտ Հարության և Ծննդյան տոներին հաջորդող օրերը մեռելոցի ծիսակարգ կկատարվի: