Գագիկ Ծառուկյանն աշխատավարձ չի ստանա. ԱԺ նախագահ

Գալուստ Սահակյանն այսօր խորհրդարանում լրագրողների հետ զրույցում անդրադարձավ ԲՀԿ խմբակցության պատգամավոր Գագիկ Ծառուկյանի բացակայություններին:

Դիտարկմանը, թե նստաշրջանն ավարտվում է, սակայն ԱԺ ԲՀԿ խմբակցության պատգամավոր Գագիկ Ծառուկյանն այդպես էլ չի գալիս նիստերին, ԱԺ նախագահ Գալուստ Սահակյանը մտահոգ արձագանքեց. «Չեկավ»:

«Որպես ԱԺ նախագահ` ի՞նչ պատժամիջոցներ եք կիրառելու» հարցին նա պատասխանեց. «Որևէ բան չեմ անի, պատժամիջոցը հետևյալն է, որ աշխատավարձ չի ստանա»:

Հարցին՝ ինչո՞վ էր պայմանավորված նախկին խիստ մոտեցումը, երբ Սերժ Սարգսյանի կողմից հանձնարարական կար զբաղվել Ծառուկյանի բացակայություններով, և ոչ միայն, Սահակյանը պատասխանեց, որ այս պահին նախագահի կողմից որևէ հանձնարարական չկա: «Ծառուկյանի գործն ուսումնասիրվել է, մնացած բոլոր գործարքները կապված են իմ տեսակետի հետ»,-եզրափակեց նա: