Թուրքիայի փոխվարչապետը Հայոց ցեղասպանության դեմ գրառումների ռեկորդ է սահմանել

Թուրքիայի իշխանությունները Բունդեսթագի կողմից Հայոց ցեղասպանության վերաբերյալ բանաձևի ընդունումից հետո շարունակում են սպառնալիքներ հնչեցնել Գերմանիայի հասցեին:

Թուրքիայի փոխվարչապետ Նուման Քուրթուլմուշը Twitter-յան էջում Հայոց ցեղասպանության վերաբերյալ բանաձևի ընդունման մասին գրառումների ռեկորդ է սահմանել:

«Ընդունված որոշման վերաբերյալ տարբեր հարթակներում համապատասխան պատասխանը տալու ենք»:

«Գերմանիայի խորհրդարանի կողմից բանաձևի ընդունումը պատմական սխալ էր, քանի որ չափազանցված և անհիմն պնդումները որպես ցեղասպանություն են ներկայացվում»:

«Թուրքիայի համար այս որոշումը առ ոչինչ է»:

«Այս հարցը քաղաքական գործիչների կամ խորհրդարանների լուծելու խնդիրը չէ, այլ` գիտնականների և պատմաբանների»:

Այս և նմանատիպ այլ գրառումներ Թուրքիայի վրդովված փոխվարչապետը ընդամենը մի քանի րոպեների ընթացքում է արել: