Իսրայելը և Թուրքիան համաձայնության են եկել

Իսրայելական և թուրքական պատվիրակությունները հաղթահարել են հիմնական տարաձայնությունները հարաբերությունների նորմալացմանն ուղղված բանակցություններում, և արդեն դրանց հաջորդ փուլը կպսակվի համաձայնագրով. ըստ 
РИА Новости-ի` հաղորդել է Իսրայելական հեռուսատեսության իններորդ ալիքը:

Նշվում է, որ Իսրայելն այլևս չի պահանջում, որ Թուրքիայի տարածքում ամբողջությամբ դադարեցվի պաղեստինյան ՀԱՄԱՍ շարժման գործունեությունը, իսկ թուրքերն այլևս չեն պնդում Գազայի հատվածի ապաշրջափակում, որը Թել Ավիվ և Անկարա դեսպանների վերադարձի պայմանն էր: 

Հիշեցնենք, որ երկու երկրների հարաբերությունները սառել էին 2010-ին, երբ իսրայելական զինված ուժերը գրավել էին Գազային հումիտար օգնություն տանող «Ազատության նավատորմի» նավերը, և այդ ընթացքում զոհվել էր 10 թուրք: