Նարեկը փախչողներից չէր` դիրքը կրծքով է պաշտպանել. զոհված տղաներից ևս մեկը

Նարեկ Մկրտչյան` շարքային զինծառայող, ով մեկն է այն հերոս տղաներից, որոնք զոհվել են Արցախում հակառակորդի հետ մարտերի ժամանակ: Նարեկը Սյունիքի մարզի Որոտան գյուղից էր:

Yerkir.am-ի հետ զրույցում Որոտանի գյուղապետ Սուրիկ Օհանջանյանը հայտնեց, որ Նարեկն ունի երկու եղբայր և մեկ քույր, եղբայրներից մեկը նոր է վերադարձել ծառայությունից, իսկ մյուս եղբայրը Ռուսաստանում էր` մի քանի ժամից կժամանի Հայաստան:

«Նարեկը պինդ տղա էր, դրա համար էլ չի փախել: Երբ ադրբեջանցիները հարձակվել են մեր դիրքերից մեկի վրա, Նարեկը մինչև վերջ կռվել է, հրամանատարի մոտից չի հեռացել: Նարեկը փախչողներից չէր` դիրքը կրծքով է պաշտպանել»,- ասաց գյուղապետը: