Մկնդեղ կերած էջմիածնեցի փոքրիկը դուրս է գրվել հիվանդանոցից

Մկնդեղից թունավորված էջմիածնցի 1-ամյա փոքրիկը դուրս է գրվել հիվանդանոցից: Այս տեղեկությունը yerkir.am-ի հետ զրույցում հաստատեցին «Մուրացան» բժշկական կենտրոնի թունաբանության և մանկական վերակենդանացման բաժանմունքից:

Ավելի վաղ հայտնել էինք, որ փետրվարի 24-ին Էջմիածնից «թունավորում» ախտորոշմամբ «Մուրացան» բժշկական կենտրոն է տեղափոխվել 1-ամյա երեխա: Նախնական տեղեկություններով` երեխան մկնդեղ է կերել:Բժշկի խոսքով՝ մկնդեղն այժմ չունի այնպիսի վտանգավոր հատկանիշներ, ինչպես նախկինում, քանի որ ներկայումս արտադրվող մկնդեղի մեջ արսեն չի պարունակվում: Ըստ բժշկի` դա է պատճառը, որ թունաքիմիկատը փոքրիկի կյանքին վնաս չի տվել: Նշենք, որ համապատասխան բուժօգնությունից հետո փոքրիկը լիովին ապաքինվել է: