ԻՇԻՊ-ը դարձյալ հրկիզել է Մոսուլի հայկական եկեղեցին

«Իսլամական պետություն» ահաբեկչական խմբավորման գրոհայիններոը դարձյալ հրկիզել են հյուսիսային Իրաքում գտնվող Մոսուլ քաղաքի հայկական եկեղեցին. տեղեկացնում է Asbarez-ը՝ վկայակոչելով Basnews-ը:

Besnews-ը նշում է, որ գրոհայինները շարունակում են վնասել հասարակական վայրերը, տներն ու եկեղեցիները:

Ըստ Asbarez-ի՝ Իրաքի հայոց թեմը հաստատել է եկեղեցին հրկիզելու մասին տեղեկությունները` տեղեկացնելով, որ այն նորաբաց եկեղեցին է, որը երկու տարի առաջ, դեռ չբացված, թալանվել և պայթեցվել էր:

Նշենք, որ ԻՇԻՊ-ը 2014 թվականի հուլիսին գրավել էր Մոսուլը: Քաղաքի հայ և քրիստոնյա բնակիչները, անվտանգության նկատառումներից ելնելով, տեղափոխվել էին ավելի ապահով շրջաններ: