2015-ին Հայաստանի ներքաղաքական կյանքում ցնցումներ չեն սպասվում

2015-ին Հայաստանի ներքաղաքական կյանքում վայրիվերումներ չեն սպասվում: Այս մասին լրագրողների հետ հանդիպման ժամանակ ասաց աստղաբան-էզոթերիկ Գուրգեն Հովհաննիսյանը:

Ըստ նրա` տարին բավական հանդարտ կլինի, քաղաքական դաշտում որևէ ցնցում չի սպասվում:

«Հայաստանի համար 2015-ը կլինի կուտակման տարի: Ղարաբաղյան հակամարտության հարցում էլ կտրուկ փոփոխություններ չեն սպասվում, այն, ինչ ունենք` կպահպանվի»,- ասաց Հովհաննիսյանը:

Ի տարբերություն Հայաստանի, հարևան Թուրքիայի համար 2015-ը, ըստ աստղաբանի, հետաքրքիր և բարդ տարի է լինելու: «Ցեղասպանության 100-ամյակին ընդառաջ` այնտեղ լարված են լինելու: Իսկ Հայաստանում, ընդհակառակը, էներգիա է կուտակվելու: Բացի այդ` մենք բացառիկ հնարավորություն ունենք Եվրոպային ցույց տալու բավական արժեքավոր փորձ»,- ասաց նա:

Հովհաննիսյանը նշեց նաև, որ գալիք տարում գերտերությունները կանեն ամեն ինչ, որպեսզի 3-րդ համաշխարհային պատերազմ սկսվի, բայց չեն հաջողի: