Նախագահականը նախորդ տարի 67 միլիոն դրամի մեդալ և մեդալի տուփ է գնել

Նախագահի աշխատակազմը 2013 թվականին տասնյակ միլիոններ է ծախսել մեդալների և դրանց տուփերի վրա: Այսպես՝ 50 հատ մեդալի տուփ գնելու համար նախագահի աշխատակազմը վճարել է 1 միլիոն դրամ՝ մեկ տուփի համար վճարելով 40.000 դրամ:

Աշխատակազմը ևս 6 միլիոն դրամ ծախսել է մեդալի` ավելի էժան տուփեր ձեռք բերելու վրա: 1500 հատ մեդալի տուփ գնել է 4000-ական դրամով: Ստացվում է` ընդհանուր 7 միլիոն դրամ վճարվել է 1550 տուփի համար:

Իսկ ահա մեդալների և հուշամեդալների համար նախագահի աշխատակազմը ծախսել է 60 միլիոն դրամ: Նախորդ տարի աշխատակազմը, ըստ նրա գնումների ցանկի, գնել է 1500 հատ մեդալ` միջինը 40.000-ական դրամով: Հետաքրքիր է, որ մեդալների և տուփերի քանակը միմյանց չի համապատասխանում` 1500 մեդալի համար ձեռք է բերվել 1550 տուփ: