Ադրբեջանն անվտանգության երաշխիքներ չի տվել` ուղղաթիռի անկման վայրն ուսումնասիրելու համար. Կասպրշիկ

Պաշտոնական Բաքուն ԵԱՀԿ-ի առաքելությանն անվտանգության երաշխիքներ չի տվել հայկական  ուղղաթիռի անկման վայրում մոնիտորինգ անցկացնելու համար։ Այդ մասին Արցախի Հանրային հեռուստատեսության եթերում հայտարարել  է ԵԱՀԿ գործող նախագահի անձնական ներկայացուցիչ Անջեյ Կասպրշիկը. հայտնում է Кавказский узел-ը:

Երեկ՝ նոյեմբերի 18-ին, ԼՂՀ-ի  և Ադրբեջանի հակամարտ զորքերի շփման գծում տեղի էր ունեցել ԵԱՀԿ պլանային մշտադիտարկում: Այն անցել էր առանց միջադեպերի, սակայն, չնայած ղարաբաղյան կողմի պահանջին, առաքելությունը հրաժարվել էր այցելել ադրբեջանցիների կողմից խոցված Մի-24 ուղղաթիռի անկման վայր: 

«Մենք փորձում էինք մշտադիտարկում իրականացնել ուղղաթիռի անկման վայրում, սակայն Բաքուն ԵԱՀԿ պատվիրակության անվտանգության ապահովման որևէ երաշխիք չի տվել»,- հայտարարել է Կասպրշիկը: