ՀՊՃՀ-ի սկանդալը «ծաղկում» է. ՏՏ բաժնի պետը հեռացվեց աշխատանքից

Հայաստանի պետական ճարտարագիտական համալսարանի տեղեկատվական և հեռահաղորդակցական տեխնոլոգիաների վարչության պետ Վլադիմիր Խոեցյանը հեռացվել է աշխատանքից:

Yerkir.am-ի հետ զրույցում բուհի ռեկտորի պաշտոնակատար Հովհաննես Թոքմաջյանը նշեց, որ Խոեցյանը երկրորդ նկատողությունն է ստացել, որն էլ հիմք է հանդիսացել նրա` աշխատանքից ազատման:

«Աշխատանքից ազատվել է` օրենսդրությամբ սահմանված կարգով: Նա բազմաթիվ նկատողություններ ուներ, և օրերս ստացավ վերջին նկատողությունը: Օրենքով սահմանված կարգով` որևէ բան չի խախտվել, չի ուզում` թող դատարան դիմի: Թերթերում հոդվածներ է գրում, դրա փոխարեն թող դիմի դատարան»,- ասաց ռեկտորի պաշտոնակատարը:

Նա տեղեկացրեց նաև, որ Խոեցյանին փոխարինել է նույն վարչության պետի տեղակալը` Վահե Կիրակոսյանը, ով, ի դեպ, նույնպես բողոքում էր բուհում ստեղծված իրավիճակից: «Նոր մարդ չենք բերել, նրա տեղակալին ենք նշանակել, ով իր հետ ասուլիսներ էր տալիս: Եզրահանգումներ ինքներդ արեք»,- ասաց Թոքմաջյանը: