Եվրոպայի պատանեկան առաջնությունից հայ մարզիկները կվերադառնան 2 բրոնզե մեդալով

Անապաում ավարտվեց բռնցքամարտի պատանիների Եվրոպայի առաջնությունը, որին մասնակցեցին 33 երկրի ավելի քան 250 մարզիկներ: Հայաստանն այս կարևորագույն ստուգատեսին ներկայացված էր 12 մարզիկով, որոնցից 2-ը վերադարձան բրոնզե մեդալով: Հայ մարզիկների մեդալները այստեղ կարող էին ավելի շատ ու ավելի բարձր հարգի լինեին, եթե Եվրոպայի առաջնության մրցավարությունը լիներ իր բարձրության վրա:

Մեզ բրոնզե մեդալ պարգևեցին 48կգ քաշային, Երևանի օլիմպիական հերթափոխի պետական մարզական քոլեջի սան Վահե Բադալյանը և գերծանր քաշային գյումրեցի Գուրգեն Հովհաննիսյանը: Մեր երկու մարզիկներն էլ անցկացրեցին գեղեցիկ և գրագետ մենամարտեր: Հայտնում է Հայաստանի բռնցքամարտի ֆեդերացիայի մամուլի քարտուղարությունը: