HRW-ն կոչ է արել հանել Ադրբեջանին Թափանցիկության կոալիցիայից

Ադրբեջանի խստացված օրենսդրությունը, որը սահմանափակում է անկախ ոչ կառավարական կազմակերպությունների ֆինանսավորումը, անհնար է դարձնում դրանց հետագա գործունեությունը: Այդ մասին ասվում է Human Rights Watch միջազգային իրավապաշտպան կազմակերպության հայտարարությունում. հայտնում է  contact.az-ը:

Հոկտեմբերի 14-15-ը Բիրմայում կայանալիք` Արդյունահանվող արդյունաբերության թափանցիկության նախաձեռնության (EITI) նիստում կդիտարկվի այդ կառույցին Ադրբեջանի անդամակցության հարցը:

«EITI-ն պետք է ժամանակավորապես հեռացնի Ադրբեջանին կոալիցիայից և նշի անհրաժեշտ քայլերը անդամության վերականգնման համար: Ադրբեջանի վերջին քայլերը՝  ոչ կառավարական կազմակերպությունների ճնշումը, ցույց են տալիս, որ այդ երկիրն անտեսում է մարդու իրավունքները և միջազգային թափանցիկության պարտավորությունները»,- հայտարարել է Human Rigths Watch-ի ներկայացուցիչ Լիզա Միսոլը: