Նանկինում պայքարելու ենք ամենաբարձր պարգևների համար. Վահան Խեչանյան

Նանկին մեկնող Հայաստանի պատվիրակության մեջ է նաև ծանրամարտի Հայաստանի ֆեդերացիայի փոխնախագահ Վահան Խեչանյան, ով մարզաձևի Հայաստանի ֆեդերացիայի պաշոնական կայքին տեղեկացրել է, որ ընտրվել են լավագույն ծանրորդներն ու ծանրորդուհին:

-Նանկին գնում են լավագույնները, ովքեր իրենց քրտնաջան աշխատանքով ու նաև ցույց տված արդյունքներով ապացուցել են, որ արժանի են պատանեկան երկրորդ օլիմպիական խաղերում մասնակցելուն: Նրանցից սպասելիքները շատ մեծ են: Հատկապես տղաները պայքարելու են ամենաբարձր պարգևների համար,- ասել է Վահան Խեչանյանը:

Ֆեդերացիայի փոխնախագահը նշել է  նաև, որ ֆեդերացիան ծանրորդների մարզումային լավագույն պայմանների համար կատարել է բոլոր պահանջները, ուստի սպասվում է, որ նրանք էլ համարժեք պատասխան կտան: