Վրաստանը հույս ունի, որ Հայաստանի և Ադրբեջանի միջև հակամարտությունն անհապաղ կկարգավորվի

Վրաստանը հույս ունի, որ Հայաստանի և Ադրբեջանի միջև վերջին օրերին ծագած հակամարտությունը "անհապաղ կկարգավորվի": Այդ մասին հայտարարել է Վրաստանի ԱԳՆ ղեկավար Մայա Փանջիկիձեն:

«Մենք անհանգստությամբ հետևում ենք Հայաստանի և Ադրբեջանի միջև տեղի ունեցող իրադարձություններին: Ես վստահ եմ, որ մեր տարածաշրջանին և ողջ աշխարհին պետք չէ ևս մեկ ապասառեցված հակամարտություն, լարվածության մեկ այլ օջախ, և վստահ եմ, որ երկու երկրների առաջնորդները ընդհանուր լեզու կգտնեն և կկարողանան խնդիրը  խաղաղ կարգավորել», - ընդգծել է Վրաստանի Փանջիկիձեն:

«Որքանով ես տեղյակ եմ, արդեն նշանակված է Հայաստանի և Ադրբեջանի նախագահների հանդիպումը և դա ինձ հույս է տալիս, որ հակամարտությունը կկարգավորվի»,-ընդգծել է նա: