Սիրիահայ երեխաների ընդունելությունը մանկապարտեզ` բացառության կարգով

Երևանի 84 դպրոցներում 462 սիրիահայ աշակերտ է սովորում: Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանը լրագրողների հետ հանդիպման ժամանակ նշեց, որ եթե նախկինում միայն Նար-Դոսի անվան դպրոցում բացված վարժարանում էին սիրիահայ երեխաներն իրենց ուսումը ստանում, ապա այսօր հնարավորություն ունեն յուրաքանչյուրն իր բնակավայրի մոտ գտնվող դպրոցում հանրակրթական ուսում ստանալ:

«Սիրիահայ երեխաները նաև արտոնյալ կարգավիճակով մանկապարտեզ են ընդունվում, այսինքն` նրանց համար ընդունելությունը բացառության կարգով է արվում` նրանք չեն հերթագրվում: «Այս պահի դրությամբ` 112 սիրիահայ երեխա է սովորում Երևանի մանկապարտեզներում»,-ասաց Սողոմոնյանը: