«Դոմոդեդովո»-ում բորտուղեկցորդուհին ընկել է ինքնաթիռից

Aegean Airlines ավիաընկերության աշխատակցուհի Պարասկևի Պապաեֆտիմիուն «Դոմոդեդովո» օդանավակայանում ընկել է ինքնաթիռի դռնից, երբ օդանավը պատրաստվում էր դեպի Աթենք թռիչքի: Այդ մասին հայտնում է lifenews.ru-ն:

Նախնական վարկածի համաձայն՝ 25-ամյա աղջիկը կանգնած է եղել բաց դռան մոտ այն պահին, երբ տեխնիկական ծառայությունները մաքրելիս են եղել ինքնաթիռի աստիճանները: Նա կորցրել է հավասարակշռությունը և ընկել 5 մետր բարձրությունից: Աղջիկը ծանր վիճակում տեղափոխվել է հիվանդանոցի վերակենդանացման բաժանմունք: Բժիշկներն արյան փոխներարկում են կատարել: Նա շուտով կտեղափոխվի Աթենք:

Դեպքի բոլոր հանգամանքները պարզվում են: 

Տեսանյութը՝ այստեղ: