«Դոմոդեդովո»-ում Հայաստանից բերված ավելի քան 7500 տուփ մաքսանենգ ծխախոտ է առգրավվել

Մոսկվայի «Դոմոդեդովո» օդանավակայանի աշխատակիցները կանխել են առանց ակցիզային դրոշմանիշերի ծխախոտային արտադրանքի մեծ խմբաքանակի ներկրումը ՌԴ տարածք:

Подмосковье Сегодня-ն, հղում անելով օդանավակայանի մաքսային ծառայության հաղորդագրությանը, հաղորդում է, որ մաքսանենգ ապրանքը հայտնաբերվել է Երևանից ժամանած երկու ուղևորի ուղեբեռում:

Նշվում է, որ առգրավված ապրանքների շարքում են «VIP Blue», «Black Tip», «Garni», «Cigaronne»՝ 631 բլոկ և 1197 տուփ կամ 150 000 ծխախոտ:

«Դոմոդեդովո»-ի մաքսային ծառայությունը հայտնում է, որ սա այս շաբաթ Հայաստանից չմակնշված ծխախոտ ներկրելու արդեն երկրորդ փորձն է: Գործով ստուգումներ են սկսվել: