Պուտինը տարվել է Շերոն Սթոունով` մի քանի ամիս է՝ նրան SMS-ներ է գրում

ՌԴ նախագահ Վլադիմիր Պուտինն արդեն մի քանի ամիս է՝ կրքոտ SMS-ներ է ուղարկում հոլիվուդյան հայտնի դերասանուհի Շերոն Սթոունին: Այդ մասին գրում է newsru.com-ը՝  վկայակոչելով գերմանական Bild թերթը: Թերթը, իր հերթին,  վկայակոչում է դերասանուհու անանուն ընկերուհուն:

Աղբյուրի խոսքերով՝ 56-ամյա աստղը շոյված է Պուտինի ուշադրությունից, սակայն նրան չի համարում «առանձնապես սեքսուալ»։

Հիշեցնենք, որ Շերոն Սթոունը և Վլադիմիր Պուտինն անձամբ հանդիպել են 2010-ի  դեկտեմբերի 10-ին` սկանդալային բարեգործական երեկոյի ընթացքում՝ նվիրված քաղցկեղով հիվանդ երեխաների կարիքների համար գումար հավաքելուն: Պուտինը, ով այդ ժամանակ զբաղեցնում էր ՌԴ վարչապետի պաշտոնը, բեմ էր բարձրացել և երգել ամերիկյան հայտնի Blueberry Hill երգը, ինչպես նաև «С чего начинается родина» -ն: