Միգրանտների գործած հանցագործությունները ՌԴ-ում ընդհանուր իրավախախտումների չնչին տոկոսն են կազմում

Ռուս քաղաքական գործիչ Բորիս Նեմցովը էթնիկ հանցագործությունների մասին

Ներգաղթյալների վերաբերյալ քննարկումներում շատ են սուտը և միֆերը: Գլխավոր սուտն այն է, որ էթնիկ հանցագործությունները Միջին Ասիայից և Կովկասից տեղափոխվել են Ռուսաստան:

Սակայն,  բարի' պարոններ, ցանկանում եմ տեղեկացնել, որ ԱՊՀ երկրներից ներգաղթյալների գործած հանցագործությունները 2012-ին ՌԴ-ում ընդհանուր իրավախախտումների ընդամենը 1.6%-ն են կազմել (2 մլն 300 հազարից 37 հազարը): Ընդ որում` պետք է հաշվի առնել, որ այդ 1.6%-ի մեջ մտնում են նաև Ուկրաինայի և Բելառուսի քաղաքացիները:

Մոսկվայում իրավիճակը մի փոքր այլ է, քանի որ միգրանտների թիվն այստեղ անհամեմատ մեծ է: Սակայն այստեղ ևս, 2012-ի տվյալներով,  ԱՊՀ երկրներից ներգաղթյալների գործած հանցագործությունները  ընդհանուր իրավախախտումների 5%-ն (173 հազարից 9 հազարը) են կազմել: Եվ, հաշվի առնելով Ուկրաինայի և Բելառուսի քաղաքացիներ առկայությունը, ստացվում է, որ  կովկասցիների գործած հանցագործությունները 5%-ից քիչ են:

Նյութը՝ Эхо Москвы-ից