Իրանի նախագահը աճուրդում վաճառել է իրեն մատուցված ընծաները

Իրանի նախագահ Մահմուդ Ահմադինեժադը բարեգործական աճուրդում վաճառքի է հանել իր պաշտոնական ընծաների հավաքածուն, որի վաճառքից ստացվել է 200 հազար ֆունտ ստերլինգ. գրում է The Daily Telegraph-ը:

Աճուրդի ամենաթանկ լոտը եղել է «Մոնբլան» պլատինե գրիչը` զարդարված ադամանդներով: Աշխարհում այդպիսի 88 գրիչ կա, որոնք ստեղծվել են 1930-ականների երկրորդ կեսին եւ նվիրված են եղել Չապլինի «Նոր ժամանակներ» ֆիլմին: Գրիչը վաճառվել է 70 հազար ֆունտ ստերլինգով:

Աճուրդի համար պատասխանատու` իրանական բարեգործական կազմակերպության ղեկավար Հուսեյն Բադախշանը հայտարարել է, որ ստացված գումարը կուղղվի պատերազմի վետերանների եւ նրանց ընտանիքների համար շենք կառուցելուն եւ միայնակ մայրերին օգնելուն: