Դեպարդիեն Բելգիայում ձեռնարկություն է բացել

Ֆրանսիացի դերասան Ժերար Դեպարդիեն, որը հայրենիքից բարձր հարկերի պատճառով Ռուսաստան էր փախել, սեփական ընկերությունն է բացել Բելգիայում. տեղեկացնում է ֆրանսիական L'Echo-ն:

Holding 2712  ընկերությունը` 20 հազար եվրո կանոնակարգային կապիտալով, գրանցվել է բելգիական Նեշեն քաղաքում: Ընկերության գործունեության ուղղությունն անհայտ է:

Դեպարդիեն միակ հիմնադիրն է, բաժնետերը եւ ընկերության ղեկավարը: Ընկերության ստեղծման մասին փաստաթղթերում, մասնավորապես, դրույթներ կան, որոնք կարգավորում են բաժնետոմսերի փոխանցման հնարավորությունները: Դրանք նաեւ նախատեսում են բաժնետոմսերի ինքնաբերաբար փոխանցում հիմնադրի երեխաներին` նրա մահից հետո:

Ֆրանսիական ԶԼՄ-ները ենթադրում են, որ այդպիսով Դեպարդիեին ցանկանում է ապահովել իր ժառանգներին, քանի որ դա Բելգիայում անելն ավելի հարմար է, քան Ֆրանսիայում: