Հայ Դատի հանձնախումբը անհանգստացած է We the People-ի հակահայ խնդրագրերից

ՀՅԴ Ամերիկայի Հայ Դատի հանձնախումբը պաշտոնական հարցում է ուղարկել Սպիտակ տանը` խնդրելով տեղեկատվություն տրամադրել We the People առցանց խնդրագրերի համակարգի անվտանգության երաշխիքների վերաբերյալ, որպեսզի քաղաքացիական հանրությունը դրսից չկարողանա դրանք կարգավորելու փորձեր անել:

ԱՄՆ նախագահի ավագ խորհրդական Վալերի Ջարեթին ուղղված նամակում Հայ Դատի հանձնախմբի գործադիր տնօրեն Արամ Համբարյանը գրել է, որ ԱՄՆ հայ համայնքն անհանգստացած է վերջին շրջանում Սպիտակ տան կայքում տեղ գտած հակահայկական խնդրագրերի քանակից, որոնք բառացիորեն կրկնում են Իլհամ Ալիեւի հայտարարությունները: Այսպես` վերջերս  ԼՂՀ-ի դեմ հարձակումներ պարունակող խնդրագրերը շատ արագ տանսյակհազարավոր ստորագրություններ են հավաքել: Ընդ որում` ի տարաբներություն այլ խնդրագրերի, հակահայկականներում, որպես կանոն, չի նշվում ստորագրողների գտնվելու աշխարհագրական վայրը: