Տեր-Պետրոսյանը համոզում է ՀԺԿ-ին. ՛՛Ժողովուրդ՛՛

ՀԱԿառաջնորդ Լեւոն Տեր-Պետրոսյանը եւ ՀԺԿ նախագահ Ստեփան Դեմիրճյանը, ինչպես նախորդ հանդիպման ժամանակ պայմանավորվել էին, կիրակի օրը, կրկին հանդիպել են եւ քննարկել ՀԱԿ-ը կուսակցության վերածելու հարցը, ինչը որեւէ կերպ ընդունելի չէ Դեմիրճյանի կողմից: Վերջինս ասել է, որ չի ցանկանում կուսակցությունը լուծարել, իսկ Տեր-Պետրոսյանն էլ բացատրել է, որ պետք չէ հրաժարվել ՀԺԿ-ից, պարզապես կարելի է համագործակցել նորաստեղծ ՀԱԿ-ի հետ, որը կփրկվի միայն կուսակցություն դառնալու ճանապարհով. անկուսակցական անհատները կմիավորվեն:

Այս մասին գրում է «Ժողովուրդ»-ը՝ հղում անելով իր աղբյուրներին: Լուրը ճշտելու համար օրաթերթը զրուցել է ՀԺԿ քարտուղար Գրիգոր Հարությունյանի հետ, որն ասել է, թե ինքը տեղյակ չէ նշված հանդիպումից.«Իսկ մյուս հարցի հետ կապվածՙ ՀԺԿ-ն արդեն իր տեսակետը հայտնել է»: