Հայրիկյանը ԲՀԿ-ին "մանր բան" համարեց

Կոալիցիա նշանակում է ժամանակավոր միավորում` հանուն ինչ-որ բանի, եւ կոալիցիայի այդ նրբերանգները` պառակտում եւ այլն, օրինաչափ դրսեւորումներ են. yerkir.am-ի թղթակցի հետ զրույցում, անդրադառնալով ներկոալիցիոն խմորումներին, ասել է ԱԻՄ նախագահ Պարույր Հայրիկյանը:

Նրա խոսքերով` կոալիցիոն հուշագիրը կարող է փոխվել տարին չորս, հինգ, նույնիսկ` տասն անգամ, կոալիցիայի պառակտումներն էլ պետք է դիտել իբրեւ օրինաչափ երեւույթ:

Հարցին` որքանո՞վ է հավանական ԲՀԿ-ի դուրս գալը կոալիցիայի կազմից այս պահին, եւ ի՞նչ կշահի դրանից ՀՀԿ-ն, Հայրիկյանը պատասխանեց. «Էնքան մանր են ինձ համար այդ խնդիրները, որ չեմ էլ մտածել այդ ուղղությամբ: Շատ մանր բան եմ համարում նաեւ փողի վրա ստեղծված կուսակցությունը: Առանց այդ կուսակցությունների էլ Հանրապետականը առավելություն ուներ պառլամենտում, այնպես որ, դա որոշիչ կոալիցիա չէ, եւ, ինչպես ասում են, միայն երկրորդ պաշտպանական գիծ ապահովելու համար է արված»:

Հիշեցնենք, որ երեկ ԱԻՄ նախագահը հայտարարել էր ՀՀԿ-ին միանալու եւ առաջիկա խորհդարանական ընտրություններում նրան սատարելու մասին: