Լուկաշենկոն քծնո՞ւմ է Մեդվեդեւին

Բելառուսի նախագահ Ալեքսանդր Լուկաշնեկոն շնորհավորել է Ռուսաստանի նախագահ Դմիտրի Մեդվեդեւին 46-ամյակի կապակցությամբ եւ ցանկացել քաջառողջություն, երջանկություն, բարեկեցություն եւ Ռուսաստանի համար արվող բոլոր գործերում հաջողություններ:

Սակայն անցյալ տարվա սեպտեմբերին Մեդվեդեւը չէր շնորհավորել Լուկաշենկոյին ծննդյան առթիվ, քանի որ, ինչպես գրում է Gazeta.ru-ն, անցյալ տարի երկու երկրների առաջնորդների հարաբերությունները վատացել էին, եւ նրանք միմյանց հասցեին խիստ քննադատական ելույթներ էին ունենում:

Իսկ ահա անցյալ տարվա դեկտեմբերին Լուկաշենկոն հայտարարել էր, որ իր ու Մեդվեդեւի հարաբերությունները կարգավորվել են: Սակայն նույնիսկ դրանից հետո Մեդվեդեւը ներկա չէր եղել Լուկաշենկոյի երդման արարողությանը:

Ասում են` Բելառուսի տնտեսության վիճակը լավ չէ, դրա համար էլ Լուկաշենկոն փորձում է լավացնել հարաբերությունները Ռուսաստանի հետ: