Ապստամբների հրամանատարին սպանողը "Ալ Քաիդա՞"-ն է

Մուամար Քադաֆիի կողմնակիցները լիբիացի ապստամբների զորքերի հրամանատար Աբդել Ֆաթթահ Յունիսի սպանության պատասխանատվությունը գցում են «Ալ Քաիդա»-ի վրա: Հիշեցնենք, որ Յունիսը սպանվել էր հուլիսի 29-ի գիշերը:

Լիբիայի կառավարության մամուլի քարտուղար Մուսա Իբրահիմը հայտարարել է, որ միջազգային ահաբեկչական ցանցի նպատակն է եղել ցուցադրել իր ազդեցությունը ապստամբների վերահսկողության տակ գտնվող արեւելյան Լիբիայի վրա:

Իսկ ապստամբների Ազգային անցումային խորհրդի նախարար Ալի Թարխունին ավելի վաղ հայտարարել էր, որ Յունիսը զոհվել է հենց ապստամբների ձեռքից, որոնք նրան պետք է ուղեկցեին Բենգազիում գտնվող շտաբ` հարցաքննոթյան. տեղեկացնում է mignews.com-ը: