Բարտոլին չի միանա Ֆրանսիայի հավաքականին

Աշխարհի 10-րդ թենիսիստուհի Մարիոն Բարտոլին չի մասնակցի Ֆեդերացիայի գավաթի աշխարհի առաջին խումբ դուրս գալու համար Իսպանիայի դեմ հանդիպմանը, որը կկայանա ապրիլի 16-17-ը Լերիդեում։

Ինչպես հայտնում է АР-ն, պատճառն այն է, որ Ֆրանսիայի թենիսի ֆեդերացիան հրաժարվել է վճարել ոչ միայն 26-ամյա թենիսիստուհուն և նրա հորը, այլև Բարտոլիի ամբողջ թիմին, որոնք օգնում են նրան ամենօրյա երկժամյա մարզումների ժամանակ: Չեն վճարվել նաև չվերթը և կեցության ծախսերը մրցավեճի ժամանակ։

Ֆրանսուհիների ավագ Նիկոլա Էսկյուդեն նամակ կուղարկի Թենիսի միջազգային ֆեդերացիա, որում կտեղեկացնի, որ ինքը հրաժարվում է Բարտոլիի ծառայություններից։ Դա հնարավորություն կտա նրան առանց որևէ խնդիրների մասնակցել Լոնդոնում 2012թ. կայանալիք օլիմպիադային։