Իշխանությունը միավորվեց, իսկ ի՞նչ կանի ընդդիմությունը

Ժառանգությունը շարունակում է մնալ այն քաղաքական ուժը, որն ընդդիմության միասնականությունը դիտարկում է որպես մեծ հաղթանակին մոտեցնող անհրաժեշտ պայման. այսօր հայտարարեց ԱԺ «Ժառանգություն» կուսակցության քարտուղար Ստյոպա Սաֆարյանը` արդեն որերորդ անգամ ասելով, որ փորձելու են համագործակցության եզրեր գտնել ընդդիմադիր գործընկերների հետ:

«Դեռեւս ուշ չէ` եթե ոչ միասնական, ապա գոնե համագործակցային լինելու: Մենք պետք է կարողանանք այլընտրանքային օրակարգ ներկայացնել, որը կարտացոլի ամբողջ հասարակության խնդիրները»,- ասաց Սաֆարյանը` չկարեւորելով, թե ինչպիսին կլինի միասնականության ձեւաչափը` դաշինք, միավորում, թե ճակատ:

«Մենք պետք է տարբերվենք իշխանական կոալիցիայից մեր վարքագծով, մեր դավանած արժեքներով ու գործելակերպով»,- նշեց ընդդիմադիրը: