Շարունակելու եմ հանդես գալ պատերազմի դեմ․ Հռոմի պապը պատասխանել է Թրամփին

Հռոմի պապ Լևոն XIV-ը հայտարարել է, որ նախատեսում է շարունակել դեմ հանդես գալ պատերազմին, գրում է Reuters-ը։

«Ես չեմ ցանկանում Թրամփի հետ բանավեճի մեջ մտնել։ Չեմ կարծում, թե Ավետարանի ուղերձը կարելի է չարաշահել այնպես, ինչպես որոշ մարդիկ են անում», – ասել է պապը՝ մեկնաբանելով ԱՄՆ նախագահ Դոնալդ Թրամփի կողմից իրեն ուղղված քննադատությունը։

Հիշեցնենք՝ Թրամփը քննադատել է Հռոմի պապ Լևոն XIV-ին՝ Իրանի և Վենեսուելայի հարցում նրա դիրքորոշման համար։ Նա հայտարարել էր, որ համաձայն չէ պապի հետ, ով, իր խոսքերով, հնարավոր է համարում միջուկային զենքի «առկայությունը» Իրանում, քննադատում է ԱՄՆ գործողությունները և դատապարտում Վենեսուելայի վրա հարձակումները։