Արցախում տեղի ունեցածը ցեղասպանություն է, և մենք այս հարցում ասելիք ու անելիք ունենք․ Ջոնաթան Շպանգենբերգ

«Այսօր մենք բախվում ենք 2023 թվականի Արցախի ցեղասպանության հետ։ Արդարության պահանջը և Սփյուռքում հայկական կյանքի ամրապնդումը՝ իր ինստիտուտների բազմազանությամբ, մնում են Սփյուռքի առանցքային առաքելությունը»,-այս մասին Փարիզում կայացած Սփյուռքի զորաշարժին նվիրված խորհրդաժողովում  հայտարարեց Հայերի կենտրոնական խորհրդի վարչության նախագահ, գերմանացի Ջոնաթան Սպանգենբերգը։  

«Մայիսի 4-ին Հայաստանում կայանալիք Եվրոպական քաղաքական համայնքի 8-րդ գագաթնաժողովից առաջ Սփյուռքը հնարավորություն ունի բարձրացնելու Արցախի (Լեռնային Ղարաբաղ) հայերի իրավունքների հարցը՝ հաշվի առնելով Ցեղասպանության մասին կոնվենցիան և ցեղասպանությունը կանխելու պարտավորության հարցը՝ այն պահին, երբ դրա վտանգը կա. պարտավորություն, որը պետություններին ստիպում է գործել»,-ասել է Ջոնաթան Սպանգենբերգը։