Հայ ժողովուրդը պետք է ճիշտ ընտրություն կատարի․ մենք պետք է հզոր Հայաստան կառուցենք․ Մուրադ Փափազյանի խոսքը՝ Փարիզում գտնվող Կոմիտասի հուշարձանի մոտ

Փարիզում ընթացող Սփյուռքի զորաշարժին նվիրված խորհրդաժողովի մասնակիցներն այսօր հավաքվել են Փարիզի կենտրոնում գտնվող Կոմիտասի հուշարձանի մոտ։ Որպես օրվա խորհուրդ համատեղ լուսանկար են հրապարակել։ Հուշարձանի առջև խոսք է ասել ՀՅԴ Բյուրոյի անդամ, Ֆրանսիայի հայկական կազմակերպությունների համակարգող խորհրդի (CCAF) համանախագահ Մուրադ Փափազյանը։ 

«Հայաստանի կառավարության և մեր միջև համաձայնության գեթ մեկ կետ չկա, այս մասին պետք է ասել ու հայտարարել»,-նշել է Մուրադ Փափազյանը։

ՀՅԴ Բյուրոյի անդամը կարևորել է՝ հունիսի 7-ի համապետական ընտրությանը մասնակցելու և Փաշինյանին իշխանազրկելու անհրաժեշությունը։

«Ադրբեջանի և Թուրքիայի կողմից իրենց թեկնածուի նկատմամբ ճնշում բանեցնելն ու ի նպաստ իրենց որոշումներ ունենալը դժվար ժէ, դրա համար իրենք աշխատում են Փաշինյանի վերընտրվելու ուղղությամբ»,- ասաց Մուրադ Փափազյանը՝ հավելելվ․ «մեր՝ բոլորիս պարտքն է, որպեսզի ժողովրդին համոզենք ճիշտ ընտրություն անեն»։ 

Մանրամասն՝ տեսանյութում ։