Չեն թողել, որ աղոթեն, հետո էլ ձերբակալել են, երբ փորձել են պաշտպանել իրենք իրենց․ համադասարանցիներ

«Մոտիկից ցանոթ լինելով եղբայրներին՝ ես չեմ պատկերացնում, թե ինչ տիպի պետք է մարդիկ եկեղեցում կոնֆլիկտ հրահրեին, որպեսզի նրանք այդպիսի բան անեին: Նրանք այն մարդիկ են, որոնք կյանքում չէին կռվի ամենամեծ թե փոքր թեմայով»,- ՆԳՆ-ի դիմաց լրագրողների հետ զրույցում ասաց երեկ Սուրբ Աննա եկեղեցում Նիկոլ Փաշինյանի մասնակցությամբ տեղի ունեցած միջադեպից հետո ձերբակալված եղբայրների համադասարանցին:

Նա ընդգծեց, որ երբեք չի լսել, որ եղբայրները ինչ-որ քաղաքական ուղղվածություն ունենան կամ ինչ-որ կուսակցության անդամ լինեն:

«Իմ կարծիքով ընդամենը մարդկանց բրթելով չեն թողել, որ աղոթեն, հետո էլ ձերբակալել են, քանի որ նրանք փորձել են իրենց դիրքը պաշտպանել, փորձել են չթողնել ուրիշի հանդեպ ինչ-որ բռնություն կիրառվի»,- հավելեց նա: