Հայհոյանքը որպես քաղաքական ուղի դարձրած իշխանությունը՝ գառան դիմակով խոսում է եթերի ու դրա մաքրության մասին. Տիգրան Աբրահամյան

Ազգային ժողովի «Պատիվ ունեմ» խմբակցության քարտուղար Տիգրան Աբրահամյանը գրում է.

«Արդեն 15 օր է` Նարեկ Սամսոնյանն ու Վազգեն Սաղաթելյանը զրկվել են ազատությունից և թեև նրանց հեղինակած փոդքաստը մի խումբ համառ մարդկանց շնորհիվ եթեր է գնում, սակայն տղաների բացն անկասկած նկատելի է:

Իշխանությունն ամեն ինչ անում էր, որպեսզի Նարեկին ու Վազգենին բանտ նստեցնելուց բացի ոչնչացնի նաև նրանց հարթակը, սակայն եթերները շարունակվում են, իսկ տղերքին երկար ճաղերի հետևում պահել պարզապես հնարավոր չէ:

Դաշտը ապականած, հայհոյանքը որպես քաղաքական ուղի գիծ դարձրած իշխանությունը գառան դիմակով խոսում է եթերի ու դրա մաքրության մասին, կարծես հասարակությունը մոռացել է, թե ՔՊ ղեկավարն ինչ բառապաշարով էր խոսում ԱԺ ամբիոնից և ինչ գարշանքի էր վերածում սեփական ֆբ պատը:

Ազատությո՛ւն Նարեկին, Վազգենին և բոլոր քաղբանտարկյալներին»: