Վարդան Ղուկասյանին նոր մեղադրանք է առաջադրվել

Գյումրու քաղաքապետ Վարդան Ղուկասյանին Հակակոռուպցիոն դատարանում հնչեցրած արտահայտությունների համար 3-րդ մեղադրանքն է առաջադրվել։

«Փաստինֆո»-ն կապ է հաստատել փաստաբան Զարուհի Փոստանջյանի հետ, ով հաստատեց լրատվամիջոցներում շրջանառվող լուրերը և հավելեց. «Կալանքի վերաբերյալ դատական նիստ է ընթանում, ինչ կորոշի դատարանը՝ չգիտենք»։

Նրան առաջին մեղադրանքը Հակակոռուպցիոն կոմիտեն էր առաջադրել՝ կաշառքի գործով, իսկ 2-րդ մեղադրանքը՝ ՀՀ քննչական կոմիտեն, սեպտեմբերի 16-ին լրագրողների հետ զրույցում իշխանությունների մասին հնչեցրած արտահայտությունների համար։ 3-րդ մեղադրանքն օրերս Հակակոռուպցիոն դատարանում արված հայտարարություններն են։