Եկեղեցու դեմ այս զազրելի արշավն ուղղորդողների ձեռքում գործիք մի՛ դարձեք․ Թիֆլիսահայ հասարակական գործիչ

Թիֆլիսահայ հասարակական գործիչ Արթուր Միրզոյանն անդրադարձել է այս օրերին Հայ Առաքալական եկեղեցու, այդ թվում՝ Վիրահայոց թեմի դեմ իրականացվող արշավին՝ նշելով․

«Միշտ փորձել եմ չանդրադառնալ ամեն տեսակի բամբասանքների, հատկապես սոցիալական ցանցերում, բայց այս անգամ ստիպված եմ ծանոթներիս և էջիս հետևորդներին կոչ անել չանդրադառնալ և չտարածել այն հակաեկեղեցական հիմար հրապարակումները, որոնք հայտնվում են ձեր ֆեյսբուքյան լրահոսում: Հորդորում եմ նաև լավ մտածել, թե ինչու են նման բնույթի հրապարակումները հայտնվում ձեր լրահոսում, ովքեր են տարածողները, ինչ նպատակներ են հետապնդում: Կոչ եմ անում զերծ մնալ ամեն տեսակի բամբասանքներ և չհիմնավորված տեղեկություններ տարածելուց` այդ կերպ չդառնալով (թեկուզ`անգիտակցաբար) գործիք նրանց ձեռքում, ովքեր սկսել և ուղղորդում են Հայ Առաքելական Եկեղեցու դեմ սկսված այս զազրելի արշավը:

Աստված մեզ բոլորիս իմաստություն ու զգոնություն թող պարգևի»: