Ուկրաինական հակամարտությունը չի կարող լուծվել մեկ գիշերվա ընթացքում․ Պեսկով

Ուկրաինական հակամարտությունը՝ իր հիմքում ընկած պատճառներով, բարդ է և չի կարող լուծվել մեկ գիշերվա ընթացքում, ասել է Ռուսաստանի նախագահի մամուլի քարտուղար Դմիտրի Պեսկովը։

ԱՄՆ նախագահ Դոնալդ Թրամփի անկեղծ ցանկությունը՝ լուծել բոլոր սուր ճգնաժամերը, այդ թվում՝ Ուկրաինայի շուրջ, միայն դրական զգացողություններ է առաջացնում, ասել է Պեսկովը «Ռոսիա 1» հեռուստաընկերության լրագրող Պավել Զարուբինին։

«Սակայն երբեմն նման չափազանց շտապողականությունը, իհարկե, կտրուկ հակասում է իրականությանը, քանի որ ուկրաինականի նման հակամարտությունը… իր հիմքում ընկած պատճառներով այնքան բարդ է, որ չի կարող լուծվել մեկ գիշերվա ընթացքում», – ընդգծել է Պեսկովը։