Իսրայելական բանակը զորավարժություններ է սկսում Լիբանանի հետ սահմանին

Իսրայելական բանակը զորավարժություններ է սկսում Լիբանանի հետ սահմանին։ Այս մասին հաղորդում է Times of Israel-ը՝ հղում անելով Պաշտպանության նախարարությանը։

«Իսրայելի պաշտպանության ուժերը հայտարարել են, որ սկսում են նախապես պլանավորված, հնգօրյա, լայնածավալ զորավարժություններ Լիբանանի հետ սահմանի երկայնքով և այդ տարածքի իսրայելական բնակավայրերում», – ասվում է հայտարարության մեջ։

Այսօր երեկոյան սկսվող և հինգշաբթի օրը ավարտվող զորավարժությունները կուսումնասիրեն տարբեր սցենարներ, այդ թվում՝ տարածքի պաշտպանությունը և անմիջական սպառնալիքներին արձագանքը։

ԻՊՈւ-ն զգուշացրել է պայթյունների հնարավորության և անօդաչու թռչող սարքերի, օդային և ծովային ակտիվության աճի մասին։