Կոչուբաեւի խափանման միջոցի հարցի քննարկումը մակագրվել է Մասիս Մելքոնյանին

Ֆեյսբուքյան գրառման համար ձերբակալված փաստաբան Ալեքսանդր Կոչուբաևի խափանման միջոցի հարցի քննարկումը մակագրվել է դատավոր Մասիս Մելքոնյանին։

Այս մասին հայտնում է փաստաբան Աբգար Պողոսյանը՝ նշելով, որ ժամի մասին կհայտնի լրացուցիչ։

Նշենք, որ փաստաբանը ձերբակալվել է այսօր 17.40–ի սահմաններում Շենգավիթի դատարանից դուրս գալիս։ Դիմակավորված իրավապահները գետնին են պառկեցրել Կոչուբաեւին, ապա բերման ենթարկել Քննչական կոմիտե, որտեղ նրան մեղադրանք է առաջադրվել։

Կոչուբաեւի նկատմամբ քրեական վարույթ է հարուցվել Քրեական օրենսգրքի 490-րդ հոդվածի 2-րդ մասով (դատավորի, դատախազի, քննիչի մասին արատավորող, նշված անձանց իրավունքներին ու օրինական շահերին այլ վնաս պատճառող տեղեկություն հրապարակելը՝ կապված նշված անձանց օրինական ծառայողական կամ մասնագիտական գործունեության հետ: