Իմ պաշտպանյալ Տիգրան Գալստյանն իրեն վերագրվող զրույցի ժամանակ գտնվել է այլ տեղ․ Ռուբեն Մելիքյան

Փաստաբան Ռուբեն Մելիքյանը Բագրատ Սրբազանի դատավարության ընթացքում ընդգծել է, որ դատախազությունը գործում է օրենքից դուրս հատուկ մոտեցումներով։ Նա նշել է, որ իր պաշտպանյալ Տիգրան Գալստյանին վերագրվող զրույցի մասով որևէ հիմնավորում չի ներկայացվել, թեև եղել են փաստեր, որ նա տվյալ պահին այլ վայրում է գտնվել։ Մելիքյանի խոսքով՝ դատախազների գործողությունները ստեղծում են հանրային տպավորություն, որ նրանք անկողմնակալ չեն և գործում են ճնշումների ներքո։

Նա բարձրացրել է նաև հարց, թե ինչու հնարավոր չէ մեղադրանքը դատարանում ներկայացնել այլ անձանց կողմից, եթե իսկապես մասնավոր շահեր չկան։ Վերջում Մելիքյանը հղում է արել Մխիթար Գոշի դատաստանագրքին՝ հիշեցնելով, որ ըստ դրա, այն մարդը, ով անիրավ մեղադրում է ուրիշին, ենթակա է նույն պատժին, ինչ մեղադրանքում նշվածն է։

Մանրամասն՝ տեսանյութում։