Բաքվի դատարանում Ռոբերտ Քոչարյանի դեմ ցուցմունք են տվել

Բաքվում կայացել է Արցախի նախկին ղեկավարների և մյուս գերիների հերթական «դատը»։

Ինչպես գրում են ադրբեջանական ԶԼՄ–ները, այսօրվա նիստի ժամանակ «վկաներից» մեկը՝ ոմն Յուրի Ջհանգիրյան, «ցուցմունք» է տվել ՀՀ 2–րդ նախագահ Ռոբերտ Քոչարյանի դեմ՝ Ղարաբաղյան շարժմանը նրա մասնակցության հետ կապված։

Ուսումնասիրվել են նաև 90–ականների սկզբին տեղի ունեցած մարտական գործողությունների հետ կապված այլ «փաստաթղթեր»:

«Դատը» կշարունակվի սեպտեմբերի 11–ին:

Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:

Նախկին պետնախարար և բարերար Ռուբեն Վարդանյանի գործը քննվում է առանձին վարույթով: